Azken Albisteak
TaLRC Batzordea bilduko da Yangon hirian
(Myanmar) maiatzean eta 86. PENen kongresua irailean Uppsala hirian (Suedia)
PEN Internationalek 2020ko maiatzaren 18tik 21era egingo du Translation & Linguistic Rights Committee (TaLRC) batzordearen bilera eta, berarekin batera, International PEN Women Writers Committee (IPWWC) batzordea ere bilduko da, biak ala biak Yangon hirian (Myanmar).
2020ko irailaren 7tik 11ra, ordea, 86th PEN Congress bilduko da Uppsala hirian (Suedia). Kongresuaren gaia izango da THE POWER OF WORDS: Ensuring freedom of expression in a time of polarization.
"Asel Terrorista? Mesedez" kanpaina abiarazi dute Asel Luzarraga penkidearen alde
Asel Luzarraga idazlea 2009k abenduaren 31n atxilotu zuten Txileko Araukanian zuen etxean, Lege Antiterroristaren pean, maputxe herriari erakutsitako elkartasunagatik eta bere ideia eta testu anarkistengatik.
2010eko abuztuan, Temukoko epaitegiak kondenatu zuen, eta Txiletik alde egitera derrigortua izan zen. Ameriketako Giza Eskubideen Batzordean (AGEB) haren aurkako demanda aurkeztu zuen Luzarragak eta 2019ko abenduan AGEBk bere salaketa onartu zuen. Orain kanpaina abiatu dute erronka horri aurre egiteko.
Informazio gehiago hemen.
85. PEN Internationalen kongresuan izan da Euskal PEN Manilan
PEN Internationalek, munduko idazle elkarte handienak, urteroko kongresua eduki du 2019ko irailaren 30etik urriaren 4ra bitartean Manilan. Euskal Herriko PEN taldea ere bertan izan da, gure literatura eta kultura sustatzen eta euskararen esperientzia Filipinetaraino eramaten, 200 idazle eta kazetari baino gehiago bildu dituen bilkuran.
Manilako kongresuaren izenburua “Speaking in Tongues: Literary Freedom & Indigenous Languages” izan da (Hizkuntzetan idatzi: literatur askatasuna eta hizkuntza indigenak).
Informazio gehiago hemen. Kongresuaren kronika laburra hemen
WIPC batzordea Rotterdam hirian elkartu da 2019ko maiatzaren 29-31n
Aurtengo PEN Internationaleko Idazle Jazarrien aldeko Batzordeak (WIPC-Writers in Prison Committee) 2019ko maiatzaren 29tik 31ra egin du bilera Herbeheretako Rotterdam hirian, ICORN (International Cities of Refuge Network) erakundearekin batera, eta bien leloa izan da At home Everywhere.
Informazio gehiago hemen.
Zer izan beharko luke euskal lankidetzak? galderari erantzun diote Kanaldude herri telebistan, Garabide Elkarteak proposatuta.
Nolakoa izan beharko luke euskararen nazioarteko lanak ?
Nola baloratzen da gaur egun egiten dena ? Zein pisu espezifiko beharko luke hizkuntza lankidetzak edo aktibismoak eta ikerketa edo arlo akademikoak ? Etorkizunerako proposamenak eta lan ildoak zeintzuk dira?
Hainbat galderei erantzuna ematen saiatu dira elkarteko kide eta gomitatuak. Horien artean Jon Sarasua Garabide ellkartekidea, Gorka Aspiau lehendakari Agirre Center-eko kidea, Irene Larraza Etxepare Institututik eta Urtzi Urrutikoetxea Euskal PEN taldekoak.
Telesaio osoa hemen ikus daiteke
PENeko Hizkuntza Eskubideen eta Itzulpengintzaren batzordeak 2019ko maiatzaren 1etik 5era egin du bilera Chiapasko San Cristobal de las Casas hirian.
Hizkuntza indigenen nazioarteko urtearen testuinguruan antolatuta, Unesco, INALI eta Mexikon eremu federalean edo Chiapasko estatuan gai indigenetan diharduten gobernu, unibertsitate eta bestelako erakundeetako ordezkariak ere izan dira.
Egun batean Chiapasko idazleen txanda izan zen, tzotzil, tzeltal, chol eta beste hizkuntza batzuetan.
Azken saioa emakume idazleena izan da: Nina Jaramillo kitxua argentinarra, Natasha Kanape Quebec-eko innua, Enriqueta Lunez Chiapasko tsotsila. Gero Guatemalako hezkuntza ministro izandako Otilia Lux k’itxeak ere hartu du hitza.
ARGIAko kazetari Lander Arbelaitzek Donostiako epaitegira joan beharko du deklaratzera
Martxoaren 20an ARGIAko kazetari Lander Arbelaitzek Donostiako epaitegira joan beharko du deklaratzera bi ertzainek bere aurkako salaketa jarri zutelako, irainak egotzita.
Arbelaitzek informatu zuen bi agente horiek nola urratu zituzten herritar baten hizkuntza eskubideak. Epaileak ebatzi beharko du epaiketa egin ala ez.
Informazio gehiago hemen.
Euskal PEN eta Garabide Elkartea ekimen batean murgildu dira Hizkuntza Indigenen Nazioarteko Urtean
Euskal PEN, Garabide Elkartearekin, Erroa Argitaletxearekin eta Guatemalako Maya Kakchiqel Unibertsitatearekin batera, Hizkuntza Indigenen Nazioarteko Urterako ekimen berezi baten murgildu da.
Munduko hizkuntzen altxor literarioa erakutsiko duen poema liburua prestatzen ari gara. Horretarako, ezinbesteko dugu mundu zabalean hizkuntza indigenetan lanean diharduten poeten lanak jasotzea. Erantsitako artxiboan daukazue liburu honetarako irizpide guztiak.
Liburuan argitaratzeko irizpideak (ENG - FR - CAS)
PEN Internationalek eta 15 PEN taldek salatu dute ekintzaile katalanen aurkako jazarpena
PEN Internationalek eta PEN hainbat taldek komunikatu bateratua eman dute argitara salatzeko Jordi Sanchez eta Jordi Cuixart-en aura dauden sezesio eta matxinada delituak salatzeko.
Komunikatua 2018ko irailean onartu zen PENek Pune hirian (Indian) egin zen kongresuan. Lau hizkuntzatan idatzita dago (ingelesez, frantsesez, gaztelaniaz eta katalaneraz) eta bertan aipatzen dira 1922an PENek idatzi zituen oinarrizko printzipioak adierazpen askatasunaren aldekoak.
Judith Rodriguez poeta australiana eta penkide ezaguna zendu da
PENeko jardunari esker ezagutzeko parada izan dugun pertsona miresgarrietako bat joan zaigu. Duela urte bi bisitatu gintuen Judith Rodriguezek, kongresuan Galizian zela probestuta Bilborainoko bidea egin zuten Judithek eta Zoe eta Rebeca alabek.
Urtzi Urrutikoetxeak harreman estua izan zuen Judith Rodriguezekin eta haren gaineko gogoeta egin du euskaraz eta ingelesez.