© 2015, LMk sortua

Wix.com erremintarekin

Euskal PEN sarean
euskalpen.eus sareratu
  • Icono de la aplicación de Facebook
  • Twitter App Icon

 

Saudi Arabiak hiltzera zigortu du

Ashraf Fayadh idazlea

 

 

Euskal Herrian, hainbat euskal idazlek eta musikarik hartu dute parte

Donostiako Garoa liburu dendan eta Iruñeako Katakrak-en.

 



ASHRAF FAYADHen POEMAK

Sendagaia
 

Informazio guztiak gezurtatuko dituzu zuk

prentsa-bildumak 

adituen analisiak

modako azken-azkena

Ez duzu loaz abusatuko

ez eta telefono mugikorraz

pixka bat entseatuko zara

heriotzan 

Gorde dituzun argazki guztiez libratuko zara

haurtzarokoak, nerabezarokoak,

zure pobreziarenak, zure maite ohiarenak

zure amonaren ipuinenak

eta gaueko itzulienak

ustezko zenbait bertuteri heltzeko

Ur beroa erabiliko duzu zure dutxan

eta oinak garbituko dituzu

galtzerdiak eranzten dituzun aldiro

Zeure egingo dituzu

zure atzetik etorriko direnen esperientziak

Zure izena ispiluan atzetik idatziko duzu

Eskuineko eskuaz jango duzu

eta bestea zuk baino gehiago

merezi dutenei utziko diezu

zure ahoa

petroliotan blai

 

Logika

 

Ate zaharrak

txalo egiten dio haizearen

eta zuhaitzen balletari

Ate zaharrak

ez ditu bi esku-ahur

eta zuhaitzak

ez dira kontserbatorioan egon.

Haizea izaki ikusezina da

baita zuhaitzekin 

dantzan denean ere

 

 

Belea bi makilaren gainean hegan

 

Jainkoa bere tronuan zen 

kontra-gorazarreak entzuten

eta etengabe zu zigortzen

zure hegaldi susmagarriagatik

gorpu perfumatuen gainean

Jainkoa bere tronuan

Hegaztia sortu du

eta hegan irakatsi

elikagaien bila joaten

Irakatsi dio

erortzen

eroriko guztiak

debekatuak eta baimenduak

 

Amnistia

 

Amnistia 

Isiltasunaren lerroaren azpitik

eltxoak gogaikarriak dira

Esango genuke loaren trafikoan

aritzen direla

zure gatibu-gelan

zure lotarako erak 

Genevako akordioak eta

bestelako nazioarteko itunak

nabarmen urratuko balituzte legez

 

 

 

 

Jainkoa bere tronuan

 

Jainkoa bere tronuan

eta zu orain zure hegoak

konpontzen saiatzen ari zara

Hortxe zaude

beste lezio bat ikasteko:

ihes egin dizuna

hegaztiek egiten dutenetik

eta berreskura dezakegunetik

urak gehiegi busti ez duen

lumadi eskergabetik

Jainkoa bere tronuan

hegan egiteko gaitasuna ukatzen dizu

ez ditzazun ezkutuka begiratu

zure hegaldira ohitu gabeko

herrietako terrazak

eta arropa esekitzeko sokak

ez daitezen zure gorotzez zikindu.

 

 

Bihotzaren beste forma bat

 

Bihotzaren beste forma bat

Jo ezkilak 

eta libratu zure negua

zure kantu tristetik

 

Diskoa berriz pasatzen da

eta magnetofonoak

ez du hezetasuna sufritzen

My funny Valentine berriz pasatzen da 

Gezi batek zeharkatutako bihotzeko santua 

kantuan ari da

Santua kantuan eta Jainkoari otoitzean

gaitzetik babes gaitzan

Jainkoak maite gaitu 

Jainkoak proban jartzen gaitu

erabiltzen gaitu

eta kontuak eskatzen dizkigu

Zigortu egiten gaitu

eta inoiz barkatu egiten gaitu.

Jainkoa, barkamena erregutzen dizut

Erregutzen dut baita emakume guztiengatik

eta maitaleengatik, denengatik

 

 

Eutsi zure buruari

 

Eutsi zure buruari

Ez duzu hemen txiza egiterik

Egin pixka bat dantza

egin jauzi

eta asaldatu 

hileten seriotasuna

Geldi! 

Kafea ere

diuretikoa da

Zutik nago, larrugorritan

egunero

azken epairik gabe

inork tronpa jo gabe

aurretiaz

berpiztu bainaiz

Infernuaren esperientzia naiz ni

Lur planetaren gainean!

Lurra

infernu hori... errefuxiatuentzat prestatuta.

 

 

 

 

Euskaratzaileak: Leire Azkargorta | Urtzi Urrutikoetxea

Ignazio Aiestaranek beste hamar poema itzuli ditu